Minn tal-inqas tliet persuni tilfu ħajjithom, inkluż tifla ta’ 11-il sena, waqt attakk bil-missili f’Kyiv matul il-lejl li għadda.
F’dawn l-aħħar jiem kien hemm diversi rapporti ta’ attakki mir-Russi fuq il-kapitali Ukrena permezz tal-missili u d-drones, li l-maġġorparti tagħhom seħħew matul il-lejl.
Fl-aħħar attakk tal-bieraħ fid-distretti ta’ Desnyanskyi u Dniprovsky, madwar 11-il persuna oħra sfaw midruba. Iż-żewġ persuni l-oħra rrappurtati mejta ġew identifikati bħala mara ta’ 34 sena, omm iċ-ċkejkna li tilfet ħajjitha fl-istess attakk, u mara ta’ 33 sena.
