Ġiet fi tmiem plenarja oħra u hekk Jean Claude Micallef sellem lill-kollegi Ewropej b’sodisfazzjoni wara l-appezzament li wrew għall-argumenti mressqa mhux biss minnu, iżda minn kull min ħa l-opportunità biex isemma leħnu.
Aktar kmieni Micallef għamel l-indirizz tiegħu fejn sostna li “Dan hu l-futur li rrid nara għaċ-ċittadini tagħna f’Ewropa sostenibbli. Dan hu l-futur li jiddependi minn kull wieħed u waħda hawn ġew”. Ara l-intervent sħiħ tiegħu minn hawn taħt:
Micallef qal li r-rispett muri minn Gabi Cretu juri ċar kif minkejja d-differenzi fil-kulturi, l-età u l-ġeneru, hemm viżjoni li tgħaqqadna.
Cretu serviet fis-senat, bħala MP u anke MEP u l-entużjażmu tagħha lejn il-futur jibqa’ t’ispirazzjoni għal ħafna.
