Team ta’ tliet weightlifetrs nisa rrappreżentaw lil Malta bi kburija fil-Kampjonati Ewropej tas-Seniors li saru f’Batumi, il-Georgia. It-tim kien magħmul minn Kim Camilleri Lagana, Roberta Tabone, u Tenishia Thornton. Dan l-avveniment kien partikolarment sinifikanti peress li jservi wkoll bħala passaġġ ta’ kwalifikazzjoni għal-Logħob tal-Commonwealth.
L-ewwel waħda li kkompetiet kienet Camilleri Lagana fil-kategorija ta’ 53kg. Hija refgħet 72kg fis-snatch u 96kg fil-clean and jerk, u kisbet l-aqwa total personali tagħha ta’ 168kg u spiċċat fil-ħames post fil-grupp tagħha.
Tabone kkompetiet fil-kategorija ta’ 63kg u tat l-aqwa prestazzjoni tal-karriera tagħha. Hija refgħet 87kg fis-snatch u 115kg fil-clean and jerk, u spiċċat fis-6 post b’kollox. Ir-riżultat tagħha fil-clean and jerk stabbilixxa wkoll rekord nazzjonali ġdid. B’total ta’ 202kg, hija spiċċat fit-2 post fil-grupp tagħha.
L-aħħar atleta Maltija li telgħet fuq il-palk kienet Tenishia Thornton, li kkompetiet fl-ewwel kompetizzjoni ewlenija tagħha wara li rkuprat minn injury. Hija impressjonat b’irfigħ ta’ 92kg fis-snatch u 115kg fil-clean and jerk. Thornton ġiet fit-tieni post fil-grupp tagħha u stabbilixxiet żewġ rekords nazzjonali fis-snatch u t-total.
Din il-kompetizzjoni kienet possibbli grazzi għall-appoġġ tal-Kumitat Olimpiku Malti u Sport Malta.
It-tim issa se jkompli t-tħejjijiet għall-avveniment finali ta’ kwalifikazzjoni tal-Commonwealth, skedat li jsir fl-Ingilterra fis-16 u s-17 ta’ Mejju.
