Minn Cristian Muscat
Kif bdiet l-imħabba tiegħek lejn il-futbol?
Minn meta kont żgħir dejjem kont inħobb il-futbol. Kelli lil ħija l-kbir jilgħab u dejjem issapportjani. Bdejt nilgħab ta’ tmien snin man-nursery ta’ Hibernians FC.
Iddeskrivi l-esperjenza preżenti tiegħek ma’ Kalkara United FC.
Hija esperjenza tajba ħafna. Diġá kont lgħabt magħhom fl-istaġun 2017-2018. Fl-ewwel sena konna rbaħna l-kampjonat bla telfa … dejjem rajt rispett mill-klabb.
X’tikkummenta fuq il-fatt li ta’ 39 sena spiċċajt bħala l-aqwa skorer tan-National Amateur League 2 bi 19-il gowl?
Ferħan ħafna! Kienet iebsa aktar għax iż-żmien hemm qiegħed u r-‘recovery’ ta’ wara kienet qed tkun aktar iebsa.
X’tikkummenta fuq dan l-istaġun li għadu kif intemm għal Kalkara United FC?
Kien staġun iebes iżda konna tim tajjeb u magħqud u rnexxielna naslu sal-play-offs.
Kif qed tħares lejn il-futur tiegħek fil-futbol?
‘Il quddiem j’Alla nibqa’ b’saħħti ħalli nkompli nilgħab.
Għaddi messaġġ finali lil min jixtieq jagħmel karriera ta’ suċċess fil-futbol.
Li jemmnu fihom infushom u li dejjem iridu jibqgħu jirsistu u ma’ jaqtgħu qalbhom qatt!
