Friday, June 14, 2024

Titkompla r-Rolex Middle Sea Race: Jasal L-ewwel Jott Monohull – Leopard 3

Aqra wkoll

Jekk l-istorja tal-bieraħ tal-44 Rolex Middle Sea Race kienet l-ewwel multihull li spiċċat, l-unuri tal-lum żgur li hija il-wasla tal-ewwel jott monohull.

Dalgħodu fl-0152 CEST, ikkonkluda d-duel affaxxinanti bejn Leopard 3 (MON) u Bullitt (ITA). Kien il-Leopard 3 li daħlet fil-Port ta’ Marsamxett l-ewwel f’lejl kemm xejn imsaħħab. Il-jott, li għadda minn xogħol intensiv biex jiġi iżda rivitalizzat, wera li kien deċiżiv darba ħdejn il-gżejjer Egadi, ‘il barra mill-majjistral ta’ Sqallija. Leopard 3 ikkonverta l-vantaġġ ta’ 30 minuta f’siegħa u 50 minuta fuq Bullitt li mill-inqas għandu l-konsolazzjoni li rebaħ il-klassi IRC 1 fil-korrezzjoni tal-ħin.

“Ninsabu kuntenti ħafna li rbaħna l-Line Honours fir-Rolex Middle Sea Race għat-tieni darba,” qal Sherlock, li ilu mad-dgħajsa mit-tnedija tagħha fl-2007 . “Kienu 12-il xahar diffiċli biex id-dgħajsa titla’ u tkun lesta wara l-aħħar rebħa. Għalhekk, li terġa’ tagħmel dan kontra kompetizzjoni stmata bħal Lucky u Bullitt huwa tassew ta’ soddisfazzjon.” Sid il-maxi kien qed jiċċelebra wkoll it-tieni rebħa konsekuttiva mad-dgħajsa.

Lura fuq il-korsa, il-battalja għadha qed isseħħ. Il-premjijiet l-oħra kollha tal-klassi huma disponibbli, u anke l-premju ġenerali għad irid jiġi deċiż. Fl-IRC 2 it-Tnejn filgħaxija, fuq quddiem kien hemm, Caro (rebbieħa tar-Rolex Fastnet Race f’Lulju) u Warrior Won (USA) (it-tielet globalment fl-istess tellieqa). Għaddej lejn Lampedusa, Warrior Won kien kiseb vantaġġ żgħir. Fis-1600 CEST Caro tinsab ftit inqas minn 30 mil-nawtiku mill-fliegu ta’Kemmuna,  bir-rivali Amerikana tagħha eżatt warajha. It-tnejn għandhom jispiċċaw iktar tard illum, it-Tlieta,  barra mill-ġirja għar-rebħa ġenerali u jħarsu fuq spallejhom, iżda għajnehom fuq ir-rebħa tal-Klassi. 

Fil-klassijiet l-oħra, il-flotta hija mifruxa bejn Lampedusa fin-Nofsinhar u Palermo fit-Tramuntana. B’riħ tal-punent ‘il fuq minn Sqallija, mewġ ta’ pressjoni mill-punent mistenni jiknes fuq iż-żona tal-korsa fis-sigħat li ġejjin. Dawn il-kundizzjonijiet għandom jiffavorixxu lill- Daguet 3 (FRA) u Lisa R (ITA) f’IRC 3, u Bewild (ITA) u Freya (IRL) f’IRC 4.

Ftit mili biss għall- tramuntana, Elusive 2 (MLT), li qed itellqu mingħajr strumentazzjoni tar-riħ, u Marina Rubicon / X-Odessa (MNE) li huma kważi waqfien. Fit-Tramuntana ta’ Pantelleria, Red Ruby (USA) fl-IRC 6 qed ikompli jagħmel progress fin-nofsinhar, filwaqt li OpenPayd BeFree (MLT) qed jitħabat. Fit-Tramuntana ta’ San Vito lo Capo, wieħed isib lil Spirit of the Winds (MLT) li qed jagħmlu d-debutt tagħhom f’din it-tellieqa filwaqt li Beppe Bisotto u Atame (ITA) qed jagħmlu progress aktar bil-mod ftit mili lejn il-Lvant.

Ekonomija

Sport