L-Ispeaker tal-Kamra tad-Deputati Anġlu Farrugia laqa’ fil-Parlament l-ogħla rappreżentanti tal-Kunsill Nazzjonali taż-Żgħażagħ, fejn tnieda l-Parlament Nazzjonali taż-Żgħażagħ.
Din l-attività ser tinżamm fis-sala plenarja tal-Parlament fis-27 ta’ Settembru 2022.
Il-konferenza ġiet indirizzata mill-Ispeaker Anġlu Farrugia, mill-President tal-KNZ Yacopo Baldacchino, mill-Uffiċjal Nazzjonali Bradley Cachia, mill-Ministru għall-Edukazzjoni Clifton Grima u mill-Membru Parlamentari Bernice Bonello. Preżenti wkoll kien hemm is-Segretarju Parlamentari Keith Azzopardi Tanti.
