Tork ta’ 36 sena residenti Birżebbuġa, weġġa’ wara li waqa’ madwar żewġ sulari waqt li kien qiegħed jaħdem f’kunvent.
L-inċident seħħ għall-ħabta tal-10:15 a.m, fi Triq Idmejda, Ħal Balzan.
Fuq il-post issejħu tim mediku u l-membri mid-Dipartiment tal-Protezzjoni Ċivili sabiex jassistu, u ambulanza ħadet lir-raġel l-Isptar Mater Dei għall-kura.
L-investigazzjonijiet tal-Pulizija u tal-Awtorità għas-Saħħa u s-Sigurtà Fuq il-Post tax-Xogħol għadhom għaddejjin.
