Tottenham Hotspur qed jittamaw li jegħlbu l-isfida ta’ Newcastle United għall-firma tad-difensur ċentrali ta’ Sevilla, Diego Carlos.
Il-Brażiljan kien marbut b’mod qawwi ma’ bidla għal St James’ Park matul it-tieqa tat-trasferimenti ta’ Jannar, iżda l-Magpies ġew frustrati fl-insegwiment tagħhom tal-player ta’ Sevilla.
Carlos innifsu kkonferma x-xewqa tiegħu li jtemm l-istaġun mat-team immexxi minn Julen Lopetegui, li huma l-eqreb sfidanti ta’ Real Madrid fit-tellieqa għat-titlu tal-La Liga.
Madankollu, Spurs issa qed jaħdmu fuq ftehim għall-player ta’ 28 sena, li jkun qed jara lill-midfielder Giovani Lo Celso imur fid-direzzjoni opposta.
Lo Celso kien se jifforma parti minn ftehim bejn players u flus kontanti għal Carlos li huwa vvalutat għal £50 miljun, bil-manager Taljan Antonio Conte determinat li jakkwista difensur ċentrali ġdid matul il-ġimgħa d-dieħla.
Carlos skorja żewġ goals fi 30 dehra fil-kompetizzjonijiet kollha għal Sevilla dan l-istaġun u jinsab taħt kuntratt mal-Los Palanganas sas-sajf tal-2024.