Arsenal se jqisu li jagħmlu ftehim ta’ self għal Luka Jovic li qed jitqies minn Real Madrid bħala l-aħħar għażla fit-tieqa tat-trasferimenti ta’ Jannar.
Il-Gunners tilfu l-akkwist ta’ Dusan Vlahovic mingħand Fiorentina, li mistenni jingħaqad ma’ Juventus fi trasferiment ta’ £56.2m.
Il-manager ta’ Arsenal, Mikel Arteta għadu rrapportat li jinsab ħerqan li jakkwista attakkant ġdid qabel ma tagħlaq it-tieqa tat-trasferimenti ta’ Jannar għan-negozju, b’Alexander Isak u Dominic Calvert-Lewin maħsuba li jinsabu fuq ir-radar tal-Gunners.
Issa, Jovic huwa għażla potenzjali oħra għalihom, bil-Gunners possibbilment lesti li jikkunsidraw ftehim ta’ self għall-ex player ta’ Eintracht Frankfurt.
Jovic ġibed l-għajn ta’ Arsenal, iżda dawk ġewwa l-club huma mħassba dwar ir-rata ta’ xogħol difensiv tal-player ta’ 24 sena.
Jovic naqas milli jħalli l-marka tiegħu fil-Bernabeu minn meta ngħaqad mal-Madrileni fis-sajf tal-2019, fejn skorja tliet goals biss f’47 partita u ma beda l-ebda partita fl-istaġun 2021-22 tal-La Liga.
Jovic skorja goal wieħed u pprovda żewġ assists fi 15-il dehra fil-kompetizzjonijiet kollha dan l-istaġun u huwa kkuntrattat ma’ Real Madrid sas-sajf tal-2025.
