Id-diriġenti ta’ Chelsea u Juventus qegħdin jiltaqgħu sabiex jiddiskutu pjan bejniethom dwar tpartit possibbli ta’ xi plejers. Fil-fatt l-attakkant internazzjonali Taljan Federico Chiesa jista’ jgħaddi għand il-Blues li min-naħa tagħhom jagħtuhom lil Raheem Sterling.
Dan kollu jista’ jkun possibbli speċjalment biex jonqsu l-flus minfuqa miż-żewġ naħat partikolarment Juventus li qed jippruvaw iżommu l-budget tagħhom stabbli.
Iż-żewġ plejers kapaċi jsibu aktar spazju mat-tim eventwali tagħhom u kollox jista’ jseħħ fil-jiem li ġejjin dejjem jekk ikun hemm qbil.
