It-tlugħ tal-poloz tal-Fażi tal-Kampjonat għall-istaġun taċ-Champions League 2026-27 se jsir illum il-Ħamis, fis-6.00 pm f’Monaco.
Total ta’ 36 team se jidħlu f’dan l-istadju tal-kompetizzjoni u filwaqt li 29 team ikkwalifikaw fi tmiem l-istaġun li għadda, is-seba’ postijiet li kien fadal ġew deċiżi minn kwalifiki li ntemmu lbieraħ filgħaxija.
Fil-Fażi tal-Kampjonat, kull team se jiffaċċja tmien timijiet differenti darba, b’erba’ logħbiet f’darhom u erba’ logħbiet barra minn darhom.
Għat-tlugħ tal-poloz, is-36 team se jitqiegħdu f’erba’ gruppi b’wieħed ikun l-ogħla kklassifikat u erbgħa jkunu aktar baxxi.
Il-pożizzjonijiet tal-gruppi huma bbażati fuq il-klassifika tal-koeffiċjent tal-club tal- UEFA mill-perjodu ta’ ħames staġuni li ntemmu fi tmiem l-2025-26.
Kull team se jiffaċċja żewġ timijiet minn kull wieħed mill-erba’ gruppi u ma jistax jiffaċċja team mill-istess pajjiż bħalu. It-timijiet li jispiċċaw fl-ewwel tmienja jikkwalifikaw għar-Round tas-16 taċ-Champions League.
Dawk bejn id-9 u l-24 se jidħlu fir-round tan-knockout tal-play-off. It-12-il team ikklassifikati bejn il-25 u s-36 post se joħorġu mill-kompetizzjoni meta titlesta l-Fażi tal-Kampjonat.
Filwaqt li l-aħħar seba’ postijiet fil-Fażi tal-Kampjonat taċ-Champions League 2026-27 ġew deċiżi, id-29 team l-oħra huma konfermati.
Il-maġġoranza ta’ dawk id-29 diġá jafu f’liema grupp se jkunu.
Id-disa’ timijiet f’kull wieħed mill-ewwel żewġ gruppi huma konfermati.
Il-clubs tal-Premier League, Liverpool, Manchester City u Arsenal kollha jinsabu fl-ewwel grupp flimkien mar-rebbieħa konsekuttivi taċ-Champions League, Paris St-Germain, Bayern Munich, Real Madrid, Inter, Barcelona u Atletico Madrid.
Aston Villa u Manchester United it-tnejn jirritornaw fiċ-Champions League dan l-istaġun wara li ma kinux preżenti s-sena l-oħra. Huma fit-tieni grupp ma’ Borussia Dortmund, Roma, Sporting CL, Porto, Club Brugge, Real Betis u PSV Eindhoven.
Nhar it-Tlieta kisbu post fil-poloz Sabah FK li għelbu lil Hapoel Beer Sheva 5-2 (agg: 6-4); Bodo/Glimt eliminaw lil NEC Breda 3-0 (agg: 6-1) u LASK Linz lil Celtic 5-1 (agg: 5-4).
Kif se jkunu t-timijiet f’kull Pot:
Pot 1
– Paris St-Germain (Franza)
– Bayern Mun. (Ġermanja)
– Real Madrid (Spanja)
– Liverpool (Ingilterra)
– Inter Milan (Italja)
– Man City (Ingilterra)
– Arsenal (Ingilterra)
– Barcelona (Spanja)
– Atletico Madrid (Spanja)
Pot 2
– B. Dortmund (Ġermanja)
– Roma (Italja)
– Sporting (Portugall)
– Aston Villa (Ingilterra)
– Porto (Portugall)
– Man United (Ingilterra)
– Club Brugge (Belġju)
– Real Betis (Spanja)
– PSV Eindhoven (Olanda)
Pot 3
– Feyenoord (Olanda)
– Lille (Franza)
– Napoli (Italja)
– RB Leipzig (Ġermanja)
– Villarreal (Spanja)
– Shakhtar Donetsk (Ukrajna)
– Galatasaray (Turkija)
– Fenerbahce (Turkija)/Lyon (Franza)
Pot 3 jew 4
– Bodo/Glimt (Norveġja)
– D. Zagreb (Kroazja)/Viking (Norveġja)
– LASK Linz (Awstrija)
– Slavia Prague (Rep. Ċeka))
Pot 4
– Slovan B. (Slovakja)/Celje (Slovenja)
– VfB Stuttgart (Ġermanja)
– Levski S. (Bulgarija)/AEK (Greċja)
– Como (Italja)
– Lens (Franza)
– Sabah (Azerbaijan)
