Sporting bdew il-kampanja tagħhom fil-UEFA Champions League b’rebħa ta’ 3-1 fuq Galatasaray wara li kien fl-iżvantaġġ.
It-team Tork fetaħ l-iskor fl-ewwel ħames minuti, meta l-kaptan Goncalo Inacio, f’tentattiv sfortunat, xeħet il-ballun fil-lasta tiegħu stess wara li l-goalkeeper Rui Silva salva parzjalment.
Luis Suarez deher li kien se jikseb id-draw ftit wara, iżda l-goal tiegħu ġie annullat minħabba offside.
Madankollu, Sporting ma damux ma kisbu d-draw. Geny Catamo skorja b’volley mill-isbaħ minn madwar 14-il metru, u l-ballun spiċċa fir-rokna tax-xibka.
Fit-tieni taqsima, Sporting żiedu l-pressjoni u ngħataw penalty wara li Suarez qabeż lill-goalkeeper, Ugurcan Cakir, iżda ġie mwaqqaf minn Ismail Jakobs.
Wara verifika twila mal-VAR, Suarez skorja mill-11-il metru biex ta l-vantaġġ lil Sporting.
Sitt minuti wara, Rodrigo Zalazar aċċerta r-rebħa bi free-kick spettakolari minn 22 metru li spiċċa fir-rokna tas-saqaf tax-xibka.
