Cristiano Ronaldo telaq mill-kamp tat-team nazzjonali tal-Portugall wara tensjonijiet mal-coach Jorge Jesus, li qabel kien il-coach tiegħu ma’ Al-Nassr. It-tensjoni żdiedet wara li Ronaldo tħalla fuq il-bank fir-rebħa ta’ 2-1 kontra n-Norveġja, l-ewwel darba fi 18-il sena li kien sostitut mhux użat mal-Portugall.
Ronaldo ma attendiex għat-taħriġ nhar it-Tlieta u aktar tard kellu ikla ma’ Jesus, flimkien mal-president tal-Federazzjoni Portugiża, Pedro Proenca, f’tentattiv biex jissolvew id-differenzi. Madankollu, Ronaldo ma niżilx għat-taħriġ lanqas nhar l-Erbgħa u telaq mill-kamp qabel il-logħba kontra d-Danimarka.
Jesus qal li kien hu li jieħu d-deċiżjonijiet dwar it-team u insista li l-problema bejnu u Ronaldo kienet diġà ġiet solvuta. Ronaldo, min-naħa tiegħu, qal li aktar tard se jiżvela r-raġunijiet li wassluh biex jitlaq.
Ronaldo lagħab 234 partita mal-Portugall li fihom skorja 146 goal u pprovda 35 assist.
