Id-Danimarka rreġistraw il-ħames rebħa konsekuttiva kontra Wales wara li għelbuhom bl-iskor ta’ 1-0 f’Cardiff City Stadium.
Wales kellhom l-ewwel opportunità permezz ta’ Ethan Ampadu, iżda d-Danimarka malajr ħadu l-kontroll u ħolqu diversi ċansijiet, b’Rasmus Hojlund u Gustav Isaksen fost dawk li kienu l-aktar perikolużi.
Wara l-mistrieħ, iż-żewġ goalkeepers kellhom jagħmlu saves importanti. Danny Ward kien providenzjali għal Wales fuq xuttijiet ta’ Hojlund u Isaksen, iżda mbagħad ikkommetta żball deċiżiv. Minn pass ħażin tiegħu rregala l-ballun lil Isaksen fil-kaxxa, qabel waqqa’ lill-attakkant biex id-Daniżi ngħataw penalty .. li minnu Rasmus Hojlund ma żbaljax.
Wales ippruvaw jagħmlu reazzjoni biex jiksbu d-draw iżda ma rnexxilhomx. Huma sofrew il-ħames telfa fi tmien logħbiet u jinsabu fl-aħħar post ta’ Grupp A4.
Min-naħa tagħhom, id-Danimarka telgħu fit-tieni post u żiedet iċ-ċansijiet tagħhom li jikkwalifikaw għall-kwart-finali.
