L-Isvizzera fetħet il-kampanja tagħha fil-UEFA Nations League b’rebħa impressjonanti ta’ 3-0 barra minn darha kontra l-Maċedonja, biex kompliet is-sensiela tagħha ta’ tmien logħbiet konsekuttivi mingħajr telfa barra minn darha. Minkejja n-nuqqas tal-captain Granit Xhaka, l-Isvizzeri ddominaw il-partita mill-bidu nett u ħolqu diversi opportunitajiet.
Remo Freuler fetaħ l-iskor f’nofs tal-ewwel taqsima wara xogħol tajjeb ta’ Zeki Amdouni. Ftit qabel il-mistrieħ, Amdouni żied it-tieni goal biex ta vantaġġ komdu lit-team tiegħu.
Fil-bidu tat-tieni taqsima, il-Maċedonja dehru li kienu se jispiċċaw b’10 players wara foul fuq Johan Manzambi, iżda wara reviżjoni, id-deċiżjoni nbidlet għal karta safra. L-Isvizzeri baqgħu fil-kontroll u Amdouni skorja t-tieni goal personali tiegħu biex issiġilla r-rebħa ta’ 3-0.
L-attakkant ta’ Burnley kien qrib hat-trick iżda ġie mċaħħad mill-goalkeeper, Stole Dimitrievski.
Din ir-rebħa tellgħet lill-Isvizzera fil-quċċata tal-Grupp B1, filwaqt li l-Maċedonja issa ilhom disa’ logħbiet konsekuttivi mingħajr rebħa.
