Il-Kap Eżekuttiv tal-kumpanija Stena Bulk qal li “ma hemm l-ebda tama li l-vapuri kummerċjali tal-kunpanija jgħaddu minn Strait of Hormuz f’dan il-mument.
“Qabel ma nipprovaw ngħaddu minn hemm, irrid bilfors garanziji fosthom li jkollna s-sigurtà kemm mill-Iran u anke mill-Istati Uniti li ħadd ma hu se jispara fuqna.” Dan stqarru Erik Hanell, il-Kap Eżekuttiv ta’ Stena Bulk waqt li kien qiegħed jiġi intervistat fuq il-midja internazzjonali.
Hu kompla jgħid li dak li qiegħed titlob il-kumpanija jista’ jkun garantit biss meta jkun hemm ftehim ta’ paċi u garanzija li l-gwerra waqfet.
