Il-coach ta’ Bayern Munich, Vincent Kompany, iddaħħal l-isptar wara li waqa’ waqt li kien qed isegwi sessjoni ta’ taħriġ tat-team.
Il-coach Belġjan ta’ 40 sena kien ilu madwar ġimgħa jbati minn virus, tant li tilef il-konferenza stampa ta’ qabel il-logħba kontra Arsenal fiċ-Champions League. Madankollu, huwa kien fuq il-bank waqt il-konfront tal-Erbgħa.
Bayern ikkonfermaw li Kompany jinsab f’kundizzjoni stabbli u qed isirulu eżamijiet mediċi fl-isptar.
Id-direttur sportiv, Max Eberl, qal li s-saħħa tal-coach hija l-prijorità assoluta tal-club, filwaqt li l-istaff tekniku tiegħu se jieħu f’idejh it-taħriġ u l-impenji tat-team sakemm jingħata avviż ieħor.
Bayern imisshom jilagħbu kontra Freiburg nhar il-Ħadd.
