Wara li l-Polonja proprja ftit jiem ilu ħabbret li kull raġel irid jitħarreġ għall-gwerra, mill-Ġermanja ħareġ li minkejja l-pjanijiet ta’ Berlin biex issaħħaħ il-forzi militari tagħha, il-Bundeswehr għandha nuqqas kbir ta’ suldati. Il-Kummissarju tad-Difiża Eva Högl sejħet għal mudell ta’ lieva ġdid u mtejjeb.
Rapport uffiċjali dwar l-istat tal-militar Ġermaniż wera stampa xejn sabiħa fejn ħareġ li hemm nuqqas ta’ 28 fil-mija f’daw li huma suldati għal gradi l-baxxi fl-armata..
Ir-rapport jgħid ukoll li l-armata Ġermaniża qiegħda tixjieħ fejn l-età medja kienet ta’ 32.4 snin fl-aħħar tas-sena 2019 u issa din telgħet għal 34 sena sal-aħħar tal-2024.”
Bħalissa hemm 181,000 suldat fil-forzi armati tal-Ġermanja. Iżda l-pajjiż qed jaġġorna u jespandi bil-kbir il-militar tiegħu, inkluż iż-żieda fin-numru ta suldati. Xi wħud talbu biex tiġi restawrata il-lieva għall-irġiel li kienet sospiża fl-2011.
Högl qed tappella għal sistema ġdida u mtejba ta’ lieva biex tiġi kkunsidrata mill-Parlament. Taħt il-viżjoni ta’ Högl, kemm l-irġiel u n-nisa żgħażagħ ikunu obbligati li jagħmlu “sena soċjali” — għal xi wħud dan ikun ifisser li jkunu suldati, filwaqt li oħrajn iservu b’mod differenti, bħall-għajnuna f’każ ta’ diżastru.
Il-Ġermanja bdiet tarma ruħha mill-ġdid fuq skala kbira minn meta r-Russja bdiet l-invażjoni tagħha fl-Ukrajna fi Frar tas-sena 2022.
