Oħt Cristiano Ronaldo, Elma Aveiro, ħarġet tiddefendi lil ħuha wara li dan telaq mill-kamp tat-team nazzjonali tal-Portugall.
F’messaġġ fuq Instagram, hija rreferiet għal “tradiment” u qablet ma’ kumment minn partitarju li qal li Ronaldo kien jistħoqqlu aktar rispett.
Ronaldo, li għandu 41 sena, telaq mill-kamp f’Copenhagen wara tensjoni mal-coach Jorge Jesus. Il-captain kien irrabjat wara li baqa’ fuq il-bank fir-rebħa ta’ 2-1 kontra n-Norveġja, għall-ewwel darba fi 18-il sena ma’ pajjiżu.
Tentattiv biex tinstab soluzzjoni involva wkoll lill-president tal-Federazzjoni Portugiża, Pedro Proenca, li allegatament ipprova jipperswadi lil Ronaldo jibqa’ mat-team.
Jesus insista li hu biss jieħu d-deċiżjonijiet dwar il-formazzjoni u qal li “r-regoli huma l-istess għal kulħadd”.
Ronaldo, li għandu 234 dehra u 146 goal mal-Portugall, qal li aktar tard se jispjega r-raġunijiet għat-tluq tiegħu.
Ruben Dias iddefenda lil Ronaldo u qal li l-frustrazzjoni tiegħu ma tnaqqas xejn mill-impenn tiegħu mat-team nazzjonali.
