Id-direttur ta’ Borussia Dortmund Hans-Joachim Watzke ammetta li l-klabb Ġermaniż jista’ jfittex li jiffirma lil Hummels fi ftehim ta’ emerġenza għat-Tazza tad-Dinja tal-Klabbs tas-sajf, minkejja li r-rebbieħ tat-Tazza tad-Dinja tal-2014 ħabbar li rtira mil-logħba sabiħa tal-futbol aktar kmieni f’April.
Watzke qal lil stazzjon televiżiv Ġermaniż li għandhom bżonn difensur ieħor imqar għal din it-tazza li se tintlagħab għall-ewwel darba fis-sajf u peress li hemm xi plejers li mhux se jilħqu jirkupraw, ikun għaqli li jkollhom lil Hummels li joffri esperjenza u garanzija soda difensiva.