L-eks coach ta’ Arsenal, Arsene Wenger, iddeċieda li ma jikkontestax lil Gianni Infantino fl-elezzjoni presidenzjali tal-FIFA li jmiss.
Il-Franċiż ta’ 77 sena kien meqjus bħala kandidat potenzjali b’saħħtu, minħabba l-esperjenza u r-reputazzjoni internazzjonali tiegħu. Wenger, li mill-2019 iservi bħala kap tal-iżvilupp tal-football globali tal-FIFA, informa lill-UEFA li mhux se jidħol fit-tellieqa.
Il-UEFA kienet qed tittama li Wenger ikun jista’ jisfida lil Infantino, iżda issa trid tikkunsidra kandidati alternattivi.
Infantino, sadanittant, kompla jsaħħaħ il-pożizzjoni tiegħu wara li kiseb l-appoġġ ta’ diversi konfederazzjonijiet, fosthom dawk tal-Afrika u l-Asja.
L-elezzjoni mistennija ssir fit-18 ta’ Marzu 2027 fil-Marokk.
