Balzan ………..1
Zabbar SP ……2
Minn Cristian Muscat
Zabbar St Patrick komplew ikabbru l-problemi lil Balzan meta dawru telfa f’rebħu u għelbuhom bl-iskor ta’ 2-1.
Kienu Balzan li ħolqu l-ewwel periklu wara biss minuta meta xutt tal-akkwist il-ġdid, Raphael Floro, minn tarf il-kaxxa laqat sieq il-wieqfa.
Iż-Żabbarin wieġbu erba’ minuti wara meta Diogo Tavares għadda tajjeb lejn Stefan Ilic li mill-viċin laqat il-mimduda.
Fl-10 minuta, il-coach ta’ Balzan, Daryl Willard, kien kostrett jeffettwa sostituzzjoni sfurzata meta weġġa’ Elvis Kamsoba hekk kif deher li ġibed il-hamstring.
U proprju żewġ minuti biss wara, l-istess sostitut BENJAMIN HILI kkonkluda cross mil-lemin billi xeħet fix-xibka.
Zabbar wiegbu fid-19-il minuta meta daqqa ta’ ras ta’ Kristijan Keqi għaddiet ftit barra.
Huma komplew fuq l-offensiva u sitt minuti wara, kien l-istess Keqi li resaq viċin meta d-daqqa tiegħu għaddiet ftit għoli.
Is-Saints reġgħu heddew fit-42 minuta, meta free-kick insidjuż ta’ Vinicius de Paiva kważi ħasad għal kollox lill-goalkeeper ta’ Balzan, Dylan Ciappara, li dawwar f’corner b’diffikultá.
Erba’ minuti mill-ftuħ tat-tieni taqsima, iż-Żabbarin kisbu d-draw meta s-sostitut Marcelo Barros għadda lejn BRIAN GAMBARTE li mill-viċin ma żbaljax.
Fis-66 minuta, Zabbar reġgħu ħolqu l-periklu meta Gambarte għadda tajjeb lejn Marcelo Santos bix-xutt tiegħu ikun imblukkat.
Fit-80 minuta, bl-aktar mod meritat, Zabbar skorjaw il-goal tar-rebħa meta wara li rċieva minn cross fil-baxx, MARCELO BARROS SANTOS, kien fil-post it-tajjeb u fil-mument opportun u minn taħt il-lasta tefa’ ġewwa.
Fis-87 minuta, is-Saints reġgħu heddew meta xutt ta’ Marcelo Barros Santos minn barra l-kaxxa ġie salvat parzjalment minn Ciappara, biex mir-rebound, is-sostitut Martim Fereira kellu t-tentattiv tiegħu jistampa mal-mimduda.
BALZAN: 1-Dylan Ciappara, 2-Gary Camilleri, 5-Samir Arab, 7-Triston Caruana, 10-Jan Busuttil, 17-Henri Braham Stanic, 22-Jake Grech, 27-Alexander Ayo Akpan, 42-Rafael Floro, 77-Elvis Kamsoba (11-Benjamin Hili 10) (9-Isaac Westendorf 60), 80-Marcel Lima – Coach: Daryl Willard
ZABBAR SP: 24-Matthew Grech, 5-Jake Micallef, 8-Felix Wallace Bonilha, 10-Brian Ariel Gambarte (55-Dorde Jovicic 82), 11-Stefan Ilic (95-Marcelo Barros Santos 46), 13-Zachary Grech, 19-Diogo Joao Tavares (23-Leonardo Agius 74), 21-Strahinja Jovancic, 28-Vinicius De Paixa, 30-Kristian Keqi, 31-Joao Pedro De Sa Mendonca (7-Martim Augusto Ferreira 62) – Coach: Aniello Parisi
REFEREE: Emanuel Grech
ASS. REFEREES: Mark Ciantar, Robert Curtis
RABA’ UFF: Fyodor Zammit
SKORERS: B. Hili 12 (B), B. Gambarte 49, M. Barros Santos 80 (ZSP)
AMMONITI: S. Arab, B. Hili (B), J. Micallef, V. De Paiva, S. Ilic (ZSP)