Zabbar SP …….2
Melita ……..….0
Minn Cristian Muscat
Zabbar St Patrick għelbu lil Melita bl-iskor ta’ 2-0 biex aċċertaw posthom fil-Malta Premier League għall-istaġun li ġej.
Mhux l-istess jista’ jingħad għal Melita li issa jridu jilagħbu fil-play-offs għas-salvazzjoni.
Iż-Żabbarin kellhom lill-coach Taljan, Aniello Parisi, il-goalkeper, Justin Haber, u Jurgen Pisani sospiżi, filwaqt li għal Melita kien sospiż il-goalkeeper Pollakk Aleksander Andrezj Lubik, biex iddefenda l-lasti, il-goalkeeper żagħżugħ, Gosef Mizzi.
Kien fl-14-il minuta li waslet l-ewwel azzjoni denja ta’ nota min-naħa ta’ Zabbar iżda x-xutt ta’ Diogo Joao Tavares intemm għoli.
Fil-31 minuta, il-goalkeeper ta’ Melita, Gosef Mizzi, salva fuq Marcelo Barros Santos. Tliet minuti wara, xutt ta’ Vinicius De Paiva spiċċa barra.
Melita wieġbu għall-ewwel darba, fit-38 minuta, meta l-free-kick ta’ Matthew Debattista ġie salvat parzjalment mill-goalkeeper, Luca Camilleri, u r-rebound ta’ Maac van de Font Bovenkamp ġiet imdawra f’corner.
Iżda fl-45 minuta, iż-Żabbarin fetħu l-iskor meta Diogo Joao Tavares għadda lejn MARCELO BARROS SANTOS li minn qagħda tajba għeleb għal kollox lil Mizzi.
Kien biss fit-72 minuta li waslet l-azzjoni sussegwenti biż-Żabbarin jirduppjaw l-iskor meta DIOGO JOAO TAVARES rebaħ il-ballun mingħand Marc van De Font Bovenkamp u permezz ta’ xutt b’saħħtu minn pożizzjoni ideali ma ħafirx.
Huma komplew fuq l-offensiva u fis-77 minuta tilfu cans tad-deheb li jagħmluhom tlieta meta Brian Ariel Gambarte għadda tajjeb lejn Diogo Joso Tavares li mill-viċin ra lil Mizzi idawwar tajjeb f’corner.
Zabbar SP: 1-Luca Camilleri, 5-Jake Micallef, 8-Felix Wallace Bonilha, 10-Brian Ariel Gambarte (16-Izaak Etim Akpan 87), 11-Stefan Ilic (14-Antonio Pio Iervolino 76), 13-Zachary Grech, 19-Diogo Joao Tavares (23-Gianluca Zammit 87), 21-Strahinja Jovancic, 28-Vinicius De Paiva, 30-Kristian Keqi (99-David Oliveira Souza 67), 95-Marcelo Barros Santos (9-Sean Gatt 76) – Coach: Fatos Daja
Melita: 1-Gosef Mizzi, 2-Adam Aquilina (18-Ensell Attard 54), 6-Jean Pierre Attard, 7-Karl Mohnani (15-Jack Micallef 65), 10-Matthew Debattista, 13-Marc Van De Font Bovenkamp, 14-David Xuereb (21-Nick Cutajar 54), 19-Jesus Andres Yepez Morlets, 22-Gyamfi Collins (20-Benjamin Cassar 65), 23-Paul Galea Testaferrata (9-Mark Sammut Peresso 76), 24-Gareth Barone – Coach: Clive Mizzi
REFEREE: Matthew Degabriele
ASS. REFEREES: Jurgen Spiteri, Max-Lee Muscat
RABA’ UFF: Joseph Scerri
SKORERS: M. Barros Santos 45, D. Joao Tavares 72 (ZSP)
AMMONITI: D. Xuereb (M), M. Barros Santos (ZSP)