Żabbar St Patrick u Naxxar Lions irreġistraw rebħiet kbar meta ntlagħbet ġurnata oħra ta’ logħob mill-Fuel 10K Under 16 Futsal League.
Iż-Żabbarin għelbu lil Luqa St Andrew’s 8-0 bl-eroj tagħhom ikunu Luca Borg awtur ta’ erba’ gowls u Dejan Sant li skorja tliet gowls. Awtogowl ta’ Wayne Debono għaqqad l-iskor għal Żabbar St Patrick.
L-aqwa plejer tal-logħba kien Luca Borg ta’ Żabbar St Patrick.
Anke Naxxar Lions rebħu bl-iskor identiku ta’ 8-0 lil Marsaskala.
Eric Briffa u Jake Pace skorjaw hat-trick kull wieħed filwaqt li Miguel Grech u Kaiden Mangion niżżlu isimhom fost l-iskorers ukoll.
Jake Pace ta’ Naxxar Lions kien ivvutat bħala l-aqwa plejer tal-logħba.
Il-Fuel 10K Under 16 Futsal League ikompli llum fl-Iskola Nazzjonali tal-Isport hekk kif fil-4.45pm, Marsaxlokk jilagħbu kontra Lija Athletic filwaqt li fis-6pm Floriana jaffaċċjaw lil Marsaskala.