Il-President Ukren Volodymyr Zelensky issospenda lill-Kap tal-Aġenzija tas-Sigurtà tal-Ukrajna (SBU) u lill-Prosekutur Ewlieni wara allegat każijiet ta’ tradiment. Huwa qal li aktar minn 60 eks ħaddiem issa qed jaħdmu kontra l-Ukrajna f’żoni okkupati mir-Russi.
Zelensky żied jgħid li b’kollox infetħu 651 każ ta’ kollaborazzjoni u tradiment kontra uffiċjali tal-infurzar tal-liġi. L-uffiċjali, Ivan Bakanov u Iryna Venediktova, għażlu li ma jikkummentawx.
“Tali firxa ta’ reati kontra l-pedamenti tas-sigurtà nazzjonali tal-istat… joħolqu mistoqsijiet serji ħafna lill-kapijiet rilevani (taż-żewġ organizzazzjonijiet),” huwa qal f’filmat li xxandar il-Ħadd li għadda.
Wieħed mill-konsulenti ta’ Zelensky iċċara li l-imsemmija uffiċjali ma tkeċċewx iżda ġew sospiżi sakemm isiru l-investigazzjonijiet.
