Kylian Mbappe ġie djanjostikat bi stirament tal-ligament fuq wara tal-irkoppa tax-xellug wara li kellu jħalli l-iskwadra ta’ Franza minħabba injury li sofra fil-partita kontra t-Turkija.
Mbappe kien fil-formazzjoni inizjali tat-team ta’ Franza f’partita mill-UEFA Nations League li huma rebħu bl-iskor ta’ 1-0 bil-goal jasal mill-istess Mbappe.
Madankollu, wara li rċieva l-kura u għal ftit irritorna fil-ground, l-attakkant ta’ 27 sena reġa’ waqa’ u ma setax ikompli jilgħab. Għaldaqstant huma nħareġ mill-ground, fit-58 minuta.
L-FA Franċiża, inizjalment iddeskriviet l-injury bħala problema fl-għerq tal-irkoppa u kkonfermat li Mbappe kien se jirritorna Madrid għal aktar eżamijiet. Real Madrid imbagħad ħabbar dijanjosi aktar speċifika wara t-testijiet li saru mis-servizzi mediċi tal-club.
Għaldaqstant, Mbappe ħalla l-iskwadra Franċiża u rritorna għand Real Madrid biex ikompli l-proċess ta’ rkupru. S’issa ma ġie mħabbar l-ebda perjodu ta’ assenza u lanqas data mistennija għar-ritorn tiegħu.
L-injury seħħet fl-ewwel partita ta’ Zinedine Zidane bħala c coach ta’ Franza. Il-goal ta’ Mbappe kien biżżejjed biex Franza kisbet bidu rebbieħ taħt il-coach il-ġdid, iżda l-injury tiegħu tappnet xi ftit din ir-rebħa.
L-attenzjoni issa hija fuq il-kundizzjoni ta’ Mbappe u jekk hux se jkun disponibbli għal Real Madrid. Il-club Spanjol se jkompli jissorvelja l-irkupru tiegħu wara li l-eżamijiet ikkonfermaw l-istirament tal-ligament fuq wara tal-irkoppa tax-xellug
