L-awtoritajiet tas-saħħa ħabbru li fl-aħħar 24 siegħa nstabu 133 każi ġodda ta’ Covid-19 filwaqt li kien hemm 75 oħra li ġew dikjarati bħala li fiequ mill-virus. Dan ifisser li bħalissa f’pajjiżna hawn 1,348 każ attiv.
L-ammont ta’ mwiet baqa’ dak ta’ 468 wara li bejn il-Ħamis u l-Ġimgħa ma kienet irreġistrata l-ebda mewt relatata mal-Covid-19.
Fl-Isptar Mater Dei hemm 15-il persuna li qed jingħataw il-kura minħabba l-Covid-19 bi tnejn minnhom jinsabu fit-Taqsima tal-Kura Intensiva.
Sal-bieraħ filgħaxija, kienu ngħataw b’kollox 965,802 doża tal-vaċċin kontra l-Covid-19 li minnhom 127,100 kienu dożi tal-booster.
