Dan is-sit jinsab infurmat li iktar kmieni llum, għall-ħabta tal-12:00 p.m., inqaleb kontejner minn fuq trailer fi Triq il-Belt, Ħal Qormi.
Fuq il-post issejħu numru ta’ uffiċjali tal-LESA sabiex jassistu fl-immaniġġjar tat-traffiku. Intant, il-LESA fuq il-paġna ta’ Facebook appellat sabiex is-sewwieqa temporanjament jużaw rotot alternattivi.
Kelliema għall-Pulizija kkonfermaw ma’ Talk.mt li fortunatament f’dan l-inċident ma weġġa’ ħadd.
L-investigazzjonijiet tal-Pulizija għadhom għaddejjin.
