L-aġent tal-plejer femminili ta’ Barcelona Aitana Bonmati ikkonferma li Chelsea riedu jħallsu l-klawsola fil-kuntratt tagħha sabiex tmur tilgħab fl-Ingilterra. Il-Blues kienu ilhom jiġru warajha iżda l-Blaugrana ħasbuha differenti hekk kif lesti jġeddulha l-kuntratt tagħha li jispiċċa fl-aħħar ta’ dan l-istaġun.
Bonmati rebħet il-Ballun d’Or u se tkun waħda mill-iktar plejers imħallsin fil-Katalunja. Hi ilha tilgħab fil-Camp Nou minn meta kellha 13-il sena u baqgħet tiżviluppa t-talenti tagħha u llum il-ġurnata hi plejer fundamentali għat-tim tagħha.
