Hekk kif ġie ppreżentat bħala l-plejer il-ġdid ta’ Bologna, Alexis Saelemaekers tkellem dwar il-fenomenu l-ġdid li plejers Ewropej imorru jilagħbu fl-Arabja Sawdija.
Hu qal li kellu diversi offerti minn klabbs minn dan il-pajjiż, iżda hu ma xtaqx jaċċetta għax iktar milli jħares lejn il-flus, li jinteressah hu li jilgħab il-futbol. Fl-istess waqt hu jaħseb dwar il-familja tiegħu li tkun kuntenta fejn jilgħab.
Saelemaekers ingħaqad mal-Felsinei fuq bażi ta’ self wara li fl-aħħar snin lagħab ma’ AC Milan.
