Minn Cristian Muscat
Proprju wara l-partita barra minn darna bejn Andorra u Malta, bit-tim nazzjonali Malti jdawwar telfa f’rebħa ta’ 2-1, dan is-sit għamel kuntatt mal-viċi-presidnet tal-Malta FA, Dr Matthew Paris, li tana dawn il-kummenti:
“Kienet wirja qalbiena iżda fil-veritá ma kinitx l-aqwa prestazzjoni tagħna. Kienet rebħa li walset grazzi għax-xogħol li qed nagħħmlu u l-fatt li ksibna t-tliet punti huwa dak li jgħodd fil-perkors tagħna li nirbħu dan il-Grupp.
“Madankollu rridu nitgħallmu minn xi żbalji li stajna wettaqna kemm fl-attakk kif ukoll fid-difiża … ikolli nistqarr li l-okkażjonijiet perikolużi ta’ Andorra mhux ħolquhom huma iżda rregalajnihomlhom aħna!”
“Issa jmissna tliet partiti importnanti ħome fosthom logħba ta’ ħbiberija fejn il-players tagħna jridu jkunu fl-aqwa kundizzjoni fiżika possibli f’sistema ta’ rotazzjoni.
“Tajjeb nirrimarkaw li din hija waqfa internazzjonali partikolari hekk kif il-players tagħna se jkunu lagħbu erba’ logħbiet fi prattikament għaxart ijiem.
“Madankollu, ejja nieħdu l-pożittiv minn din ir-rebħa u nkomplu nħarsu ‘l quddiem b’mod ottimali u nkomplu nibnu fuq din il-partita!”
