Antonio Conte huwa l-mira ewlenija ta’ Fenerbahce għall-kariga ta’ coach. Il-club Tork beħsiebu javviċina lill-coach Taljan, li bħalissa jinsab mingħajr club wara li telaq minn Napoli. Fenerbahce jittama li jilħaq ftehim miegħu matul il-waqfa internazzjonali.
Il-club Tork iridu jkun is-suċċessur ta’ Ismail Kartal li rriżenja wara l-partita kontra Roma valida mill-UEFA Champions League wara li ntlaqat minn flixkun mill-partitarji tiegħu stess.
Il-club qed ifittex coach b’esperjenza sabiex jgħinu jilħaq l-għan ewlieni tiegħu għal dan l-istaġun, jiġifieri li jirbaħ is-Super Lig.
Conte għandu rekord impressjonanti, wara li rebaħ ħames titli tas-Serie A, darba l-Premier League, darba l-FA Cup u żewġ Supercups Taljani waqt li mexxa lil Juventus, lil Inte, lil Chelsea u lil Napoli.
Conte, li fil-passat mexxa wkoll lit-team nazzjonali Taljan, Atalanta, Bari, Siena u Tottenham Hotspur, huwa magħruf għall-kapaċità tiegħu li jbiddel timijiet malajr.
Il-ħila tiegħu li jibni timijiet kompetittivi u jġibhom jisfidaw għall-ogħla unuri tagħmlu kandidat attraenti għal Fenerbahce, li qed jimmira għas-suċċess domestiku.
