Ingliż ta’ 70 sena tilef ħajtu wara li sab ruħu f’diffikultà waqt li kien qiegħed jgħum f’pixxina f’residenza privata.
Il-każ seħħ ilbieraħ għall-ħabta tas-7:00 p.m u l-pulizija ġiet infurmata li kienet instabet persuna mitluf minn sensiha f’residenza fi Triq il-Kbira, iż-Żurrieq.
Il-Pulizija, flimkien ma’ tim mediku mill-Isptar Mater Dei marru minnufih fuq il-post, fejn hemmhekk sabu lir-raġel bla ħajja fil-pixxina.
Il-Maġistrat tal-Għassa Dr Claire Stafrace Zammit ġiet infurmata bil-każ u ħatret inkjesta.
L-investigazzjonijiet tal-Pulizija għadhom għaddejjin.
