Waqt is-seduta parlamentari tal-Erbgħa, ġiet approvata r-riforma fil-liġi tal-inkjesti Maġisterjali b’37 vot favur u 30 vot kontra. Kienu l-membri tal-Gvern li vvutaw favur dan l-Abbozz ta’ Liġi filwaqt li l-membri tal-Oppożizzjoni vvutaw kontra.
Din ir-riforma se tkun qiegħda ddaħħal aċċess imsaħħaħ għall-ġustizzja, drittijiet ġodda lill-vittmi u l-qraba, drittijiet proċedurali ġodda, kontabbiltà finanzjarja u fil-kredenzjali tal-esperti, rwol u funzjonijiet definiti, termini ta’ żmien ċari u anqas prossibiltà ta’ abbuż mis-sistemi ġudizzjarji.