“Missirijiet illum… Nibda bija! Kemm nixtieq immur lura u nirranġa l-iżbalji tiegħi ma’ binti”. Iddikjara dan pubblikament it-TikToker rinomat Clinton Camilleri f’filmat li xerred b’appell lill-missirijiet kollha biex ikunu kburin b’uliedhom hi x’inhi s-sitwazzjoni mal-partner tagħhom.
Camilleri kompla biex jgħid li ċemplulu ħafna ommijiet jgħidulu li l-missier ma jmurx għat-tfal u qal li hu li għadda minn ċertu esperjenzi llum jiddispjaċih u jixtieq li mill-iżbalji tiegħu jkun hemm oħrajn li jagħmlu l-għażla t-tajba.
Huwa ħeġġeġ lill-missirijiet biex imorru għal uliedhom għax l-ulied kollha jixirqilhom jingħataw l-imħabba ta’ missierhom.
