Arsenal huma interessati li jġibu lil Alex Oxlade-Chamberlain lura fl-Emirates Stadium.
Il-midfielder Ingliż irrappreżenta lill-Gunners bejn l-2011 u l-2017 qabel ma għamel il-pass lejn Liverpool, iżda huwa tħabat biex jilgħab f’Anfield, l-aktar minħabba l-problemi ta’ injuries tiegħu.
Oxlade-Chamberlain għamel ħames dehriet għar-Reds f’dan l-istaġun, għalkemm huwa deher biss darbtejn fil-Premier League, fejn lagħab kontra Norwich City u Leeds United.
Il-kuntratt tal-player ta’ 28 sena ma’ Liverpool għandu jiskadi f’Ġunju 2023, u Arsenal qed jikkunsidraw li jippruvaw iġibuh lura fil-club.
L-internazzjonali Ingliż huwa ħerqan għal sfida ġdida wara li ġie frustrat bin-nuqqas ta ‘opportunitajiet fil-formazzjoni inizjali ta’ Jurgen Klopp.
It-team ta’ Mikel Arteta jista’ jipprova jiffirma lil Oxlade-Chamberlain b’self għall-bqija tal-istaġun, iżda x’aktarx ikun hemm għażla li tagħmilha bidla permanenti fis-sajf li ġej.