Arsenal qed jikkunsidraw li jġibu magħhom lill-midfielder żagħżugħ Tork Arda Guler. Dan tal-aħħar għandu 19-il sena u jinsab reġistrat ma’ Real Madrid fi Spanja. Minkejja kollox hu mhux jingħata spazju mill-kowċ Carlo Ancelotti, xi ħaġa li qed iddejqu ferm.
Huwa għalhekk li l-Gunners, immexxija minn Mikel Arteta, se jippruvaw imorru għalih għal Jannar minħabba li jarawh tajjeb fil-metodu tattiku tal-kowċ Spanjol.
Guler lagħab biss 18-il logħba mill-bidu tas-sena l-oħra ‘l hawn ma’ Real Madrid u skorja sitt gowls.
