Bayern Munich ingħaqdu fit-tellieqa għall-akkwist potenzjali tal-winger li jinsab barra mill-kuntratt ta’ Barcelona, Ousmane Dembele.
Il-Franċiż se jkun qed jara l-kuntratt tiegħu jiskadi fi tmiem l-istaġun, u minkejja rapporti ta’ progress fir-rigward ta’ tiġdid potenzjali fil-Camp Nou, għadu ma nstab l-ebda ftehim bħal dan bejn il-club u l-player.
Minħabba f’hekk, il-player ta’ 24 sena se jkun qed iħalli lit-team Katalan bi free transfer dan is-sajf kif inhuma l-affarijiet, b’għadd ta’ clubs li jingħad li huma interessati li jakkwistaw il-firma tiegħu.
Jingħad li Bayern huma l-aħħar club li żiedu l-interess tagħhom f’Dembele, fejn huwa mifhum li diġà sar l-ewwel kuntatt bejn il-club u r-rappreżentanti tal-player.
Barcelona jibqgħu ħerqana li jżommu lil Dembele fil-La Liga, iżda l-problemi finanzjarji attwali tagħhom ifissru li qed jitħabtu biex joffru lill-winger ftehim kompetittiv kif inhuma l-affarijiet.
Dan fost l-interess irrappurtat ta’ Bayern f’Sadio Mane ta’ Liverpool, bi xnigħat jitfaċċaw fl-aħħar jiem, kif ukoll fi Joao Felix ta’ Atletico Madrid, bit-team immexxi minn Julian Nagelsmann jisnab fit-tfittxija għal attakkant ġdid dan is-sajf.
Fl-2017 Dembele għamel ingħaqad ma’ Barcelona mingħand Borussia Dortmund, bi ħlas ta’ madwar €145m, u s’issa għamel 149 dehra fi Spanja, fejn skorja 32 goal.
