Il-captain ta’ Manchester United, Bruno Fernandes, ikkritika l-istrateġija tattika tal-coach, Michael Carrick, wara t-telfa umiljanti ta’ 4-1 kontra Como fiċ-Champions League.
Fernandes esprima d-diżappunt tiegħu dwar in-nuqqas ta’ pressjoni fuq l-avversarji, u sostna li Manchester United kellhom ikunu aktar kuraġġużi u jagħmlu pressjoni għolja biex ma jħallux lil Como jikkontrollaw il-logħba.
“Xi kultant, meta tagħti wisq spazju lil dawn it-timijiet, huma jieħdu aktar kunfidenza,” qal Fernandes, filwaqt li żied li d-deċiżjoni dwar kif it-team għandu jagħmel pressjoni hija f’idejn il-coach u l-istaff tekniku.
Min-naħa tiegħu, Carrick ammetta li l-prestazzjoni tat-team kienet inaċċettabbli u ħa r-responsabbiltà għar-riżultat, iżda saħaq ukoll li l-players ma wrewx l-intensità u l-impenn meħtieġa.
It-telfa kompliet iżżid il-pressjoni fuq Carrick, hekk kif Manchester United estendew is-sensiela tagħhom mingħajr rebħa għal seba’ partiti fil-kompetizzjonijiet kollha.
