“Dan huwa budget li għandu t-tajjeb tiegħu imma ma jindirizzax il-problemi li n-nies qed iħossu fil-ħajja tan-nies. Dawn huma problemi li qed jaffetwaw ukoll lil minn qieghed jinvesti”.
Iddikjara dan il-Kap tal-Partit Nazzjonalista Bernard Grech fl-ewwel reazzjoni tiegħu għall-budget 2025, fejn qal; “Dan huwa budget li għada lilek se jħallik fit-traffiku, li se jħallik tistenna u li se jħallik minghajr il-mediċini”.
Il-Kap tal-PN allega li dan huwa Gvern li ma jridx jindirizza l-problemi. Hawnhekk qal; “Dan hu Gvern li evidentament is-sena d-dieħla qed jammetti li se jżid il-popolazzjoni b’madwar 40,000 persuna oħra”.
