Bayern Munich irritornaw għar-rebħ meta għelbu lit-team promoss SV Elversberg 2-1. Il-goals ta’ Lennart Karl u Harry Kane taw lit-team Bavarjan it-tliet punti, f’logħba li fiha kellhom jissieltu kontra l-avversarji minn Saarland.
Joshua Kimmich ma bediex il-logħba, iżda daħal fis-65 minuta u żied kwalità u esperjenza fit-team ta’ Bayern. Din kienet partita speċjali għall-midfielder Ġermaniż, hekk kif għamel il-500 dehra tiegħu ma’ Bayern fil-kompetizzjonijiet kollha.
B’hekk Kimmich laħaq il-marka ta’ 500 dehra li kellu wkoll l-ikona tal-club Bastian Schweinsteiger, li kien laħaq fl-2015.
Il-preżenza ta’ Kimmich għenet lil Bayern jikkontrollaw aħjar il-logħba fl-aħħar parti tagħha u jiżguraw ir-rebħa.
Wara dan is-suċċess, Bayern se jkomplu l-impenji tagħhom fil-Bundesliga fi tmiem il-ġimgħa d-dieħla, meta jilqgħu lil Union Berlin.
