Cagliari ċaħdu r-rapporti li l-player tagħhom, Daniel Maldini, falla test tad-droga wara inċident bil-karozza f’Milan il-Ħadd filgħodu.
Il-club Taljan ħabbar li t-testijiet tossikoloġiċi kollha li sarulu rriżultaw negattivi.
Maldini kien involut f’inċident għall-ħabta tal-5:15 am fi Piazza Caneva, ftit sigħat wara li skorja l-penalty rebbieħ ta’ Cagliari fir-rebħa ta’ 2-1 kontra Atalanta f’Bergamo.
L-attakkant ta’ 24 sena kien qed isuq Porsche Carrera meta allegatament naqas milli jagħti l-preċedenza lil Volkswagen Golf.
Il-pulizija u l-ambulanzi marru fuq il-post, iżda fortunatament ħadd mill-persuni involuti ma sofra ġrieħi serji.
Madankollu, Maldini kellu l-liċenzja tas-sewqan ikkonfiskata wara li falla test tal-breathalyser.
Rapporti preċedenti kienu qalu wkoll li falla test preliminari għall-użu tad-droga.
Cagliari insistew li t-testijiet kollha li sarulu wara l-inċident kienu negattivi. Il-klabb ikkonferma wkoll li Maldini kellu jingħaqad regolarment mat-team fit-taħriġ ta’ wara nofsinhar.
