Żgur li d-difensur internazzjonali Ingliż Chris Smalling mhux għaddej minn mument tajjeb. Hekk kif ilu barra mil-logħob sa mill-1 ta’ Settembru li għadda minħabba injury, ilbieraħ huwa għadda minn mument ieħor żvinturat. Fil-fatt xi ħallelin daħlu fir-residenza tiegħu f’Appia Antica fir-reġjun ta’ Lazio u serqu kull ma sabu.
Hekk kif il-plejer ta’ Roma ma kienx jinsab f’daru, kienet is-seftura li ndunat bil-bieb sgassat u b’diversi kmamar ta’ taħt fuq.
Il-plejer mar immedjatament fl-għassa tal-pulizija sabiex jirrapporta l-każ.
