Manchester City instabu ħatja fil-biċċa l-kbira tal-115-il ksur tar-regoli finanzjarji li kienu akkużati bihom mill-Premier League. Skont rapporti, 114 mill-115-il akkuża ġew ikkonfermati mill-kummissjoni indipendenti, għalkemm il-Premier League għadu ma ħabbarx uffiċjalment id-deċiżjoni.
Il-club mistenni jappella.
Għadha ma tħabbritx il-piena li tista’ tingħata lil Manchester City, iżda l-possibbiltajiet jinkludu tnaqqis ta’ punti, tkeċċija mill-Premier League jew multa sostanzjali. L-akkużi kienu jinkludu allegazzjonijiet li l-club nefaħ id-dħul mill-isponsorships minn kumpaniji marbuta miegħu u għamel pagamenti oħra biex jevita r-regoli finanzjarji tal-football.
Sadanittant, diversi clubs rivali qed jikkonsultaw avukati dwar il-possibbiltà li jitolbu kumpens mingħand City, jekk jirnexxilhom juru li sofrew telf minħabba l-azzjonijiet tal-club. Xi clubs kienu diġà bdew ifittxu parir legali qabel ma ħarġet l-aħbar dwar is-sentenza.
Il-każ ta’ Everton u Burnley jista’ jkun ta’ rilevanza. Everton ġew ordnati jħallsu £35 miljun lil Burnley wara li kisru r-regoli dwar il-profitt u s-sostenibbiltà. Burnley sostnew li l-ksur affettwa ċ-ċansijiet tagħhom li jibqgħu fil-Premier League u talbu kumpens għat-telf relatat mar-relegazzjoni. Everton appellaw mid-deċiżjoni.
