L-awtoritajiet tas-saħħa qalu li fl-aħħar 24 siegħa feġġew 16-il każ ġdid ta’ Covid-19 mentri kien hemm disa’ persuni oħra li fiequ mill-virus. Dan ifisser li t-total ta’ każi attivi issa huma 215.
L-ammont ta’ mwiet baqa’ 461 wara li bejn ilbieraħ u llum ma kienet irreġistrat l-ebda mewt relatata mal-Covid-19.
Bħalissa hemm għaxar pazjenti rikoverati l-Isptar minħabba l-Covid-19 li minnhom erbgħa li jinsabu fit-Taqsima tal-Kura Intensiva.
Sas-Sibt filgħaxija kienu ngħataw 878,722 doża tal-vaċċin kontra l-Covid-19 li minnhom 51,932 kienu dożi tal-booster.
