Cristiano Ronaldo ħabbar li rtira mill-football internazzjonali fl-età ta’ 41 sena, u b’hekk temm karriera straordinarja ta’ 23 sena mat-team nazzjonali tal-Portugall.
Ir-rebbieħ ta’ ħames edizzjonijiet tal-Ballun tad-Deheb ikkonferma d-deċiżjoni tiegħu permezz ta’ filmat emozzjonali, fejn qal li wasal iż-żmien li jgħaddi l-flokk numru 7 tal-Portugall lill-ġenerazzjoni li jmiss.
Ronaldo ddebutta mat-tim nazzjonali fl-2003 u sar l-aqwa skorer fl-istorja tal-football internazzjonali, b’146 goal f’234 partita. Huwa rrappreżenta lill-Portugall f’sitt edizzjonijiet tat-Tazza tad-Dinja u ħames Kampjonati Ewropej.
L-akbar suċċess tiegħu wasal fl-2016, meta bħala captain mexxa lill-Portugall għar-rebħ tal-ewwel Kampjonat Ewropew fl-istorja tiegħu. Huwa għen ukoll lit-team jirbaħ in-Nations League fl-2019 u fl-2025.
