Il-Portugiż, Cristiano Ronaldo, ġie kklassifikat bħala l-aqwa player tal-football ta’ kull żmien (Best of All Time – B.O.A.T.) fl-istaġun tal-2008, skont stħarriġ li qabbel l-aqwa staġuni individwali tiegħu ma’ dawk ta’ Lionel Messi.
Ronaldo okkupa ħames postijiet fl-ewwel għaxra, bl-istaġuni tal-2008, 2017, 2016, 2014 u 2013, filwaqt li Messi kellu wkoll ħames staġuni fil-klassifika.
L-istaġun ta’ Messi tal-2012 ġie kklassifikat fit-tieni post, wara dak ta’ Ronaldo fl-2008. Messi deher ukoll bil-wirjiet tiegħu tal-2023, 2015, 2011 u 2009.
Il-klassifika tenfasizza r-rivalità storika bejn iż-żewġ stilel, li ddominaw il-football dinji għal aktar minn 10 snin.
