Crystal Palace keċċew lill-coach, Pierre Sage, wara biss ħames xhur fit-tmexxija tat-team, wara telfa ta’ 3-1 kontra Liverpool.
Il-Franċiż, ta’ 47 sena, sar l-ewwel manager fil-Premier League li tkeċċa dan l-istaġun, hekk kif erba’ telfiet konsekuttivi ħallew lil Palace fl-aħħar post tal-klassifika.
Sage kien inħatar f’Ġunju wara suċċess ma’ Lens, iżda f’Selhurst Park kiseb biss żewġ rebħiet minn disa’ logħbiet, filwaqt li sofra seba’ telfiet.
Thomas Frank, eks coach ta’ Tottenham, u Sean Dyche, eks manager ta’ Everton u Nottingham Forest, qed jitqiesu bħala l-favoriti biex jieħdu postu fit-tentattiv li jsalvaw lill-klabb mir-relegazzjoni.
