Wara l-aħħar telfa li sofrew Sevilla, il-pożizzjoni tal-kowċ Diego Alonso tinsab ferm diffiċli. Minkejja kollox, fil-konferenza stampa li ta wara l-logħba kontra Mallorca li tilfu 1-0, Alonso jemmen li l-klabb se jtih il-fiduċja għax diversi membri jemmnu fix-xogħol siewi li qed jagħmel.
Bosta kritiċi tal-futbol Spanjol qed jgħidu li dan il-kowċ hu maqtugħ mir-realta’ aktar u aktar meta t-tim jinsab fiż-żona l-ħamra meta wara 15-il partita, huma ġabru 13-il punt biss.
