Naomi Osaka għaddiet għat-tielet round tal-US Open wara rebħa ta’ 6-2, 5-7, 6-1 fuq Katerina Siniakova. Osaka bdiet tajjeb ħafna u rebħet l-ewwel set f’nofs siegħa.
Fit-tieni set dehret qrib ir-rebħa meta kienet 5-3 u kienet qed isservi għall-partita, iżda tilfet erba’ games konsekuttivi u ħalliet lil Siniakova ġġib id-draw. Wara waqfa biex terġa’ tikkalma, Osaka rritornat b’aktar saħħa u rebħet sitta mill-aħħar seba’ games biex kisbet ir-rebħa f’sagħtejn u żewġ minuti.
Iga Swiatek ukoll għaddiet għat-tielet round b’rebħa komda ta’ 6-3, 6-2 fuq Nadia Podoroska. Issa se tiltaqa’ ma’ Marie Bouzkova.
Madison Keys kellha partita ferm aktar diffiċli kontra Anna Bondar. L-Amerikana, li kienet double break minn taħt fit-tielet set, salvat ħames match points qabel rebħet it-tie-break deċiżiv ta’ 10 punti. Keys eventwalment rebħet 5-7, 6-4, 7-6 u kompliet triqitha fil-kompetizzjoni.
